Dan Dançador nia Natal

Damon Runyon nu’udar hakerek-na’in no jornalista hussi EUA, ne’ebé conhecido tanba ninia história badak sira ne’ebé hatudu ambiente hussi bandido sira no ema ne’ebé ladún tuir Lei iha Nova Iorque durante décadas 1920 no 1930. Nia moris iha 1880, no iha ninia obra nia consegue hatudu ema ne’ebé marginal, joga-teen, lanu-teen, mafioso, na’ok-teen sira, nst, ho humor, ironia no estilo rassik ne’ebé kapás. Nia texto sira, ho diálogo lailais ne’ebé dala barak cómico, depois mós sai peças de teatro no filme sira, inclui "Guys and Dolls", ne’ebé famoso. Runyon contribui atu regista época ne’e ba tempo rohan-laek, ba ita atu bele conhece ambiente bar clandestino (durante Lei Maran) no crime organizado nian, no fó biban ba ita atu hafuhu vida urbana nia sorin seluk ne’e. Nia mate iha 1946, no hussik ba ita obra literária furak ida, ho ligação metin ba parte balun cultura cidade Nova Iorque nian.